فہرست الطاہر شمارہ نمبر ۴۵
جمادی الاول ۱۴۲۸ھ بمطابق جولائی ۲۰۰۷ع

گلہائے رنگ رنگ

 

معلومات

  • قرآن مجید میں 114 سورتیں ہیں۔
  • قرآن مجید میں 6666 آیتیں ہیں۔
  • قرآن مجید میں 86430 کلمات ہیں۔

مرسلہ: غلام مصطفی پنہور۔ ٹنڈوالہیار

 

باتوں سے خوشبو آئے

  • کسی کا برا چاہنے والا کبھی خوش نہیں رہ سکتا۔
  • علم ایسا بادل ہے جس سے رحمت برستی ہے۔
  • اگر دل سیاہ ہو تو چمکتی ہوئی آنکھ بھی کچھ نہیں دیکھ سکتی۔

مرسلہ: رانا ماجد خان۔ بھریا روڈ

 

اقوال زریں

  • محبت مار سے زیادہ اثر انداز ہوتی ہے۔
  • خیالات کی جنگ میں کتابیں ہتھیار کا کام کرتی ہیں۔
  • علم دوسروں کو دینے سے بڑھتا ہے۔

مرسلہ: محمد خان سومرو۔ لائق پور

 

زندگی کیا ہے؟

  • زندگی اس خوشی کا نام ہے جو دوسروں کی خاطر حاصل ہوجائے۔
  • زندگی زندہ دلی اور محبت کا دوسرا نام ہے۔
  • زندگی خدا کی بڑی نعمت ہے۔

مرسلہ: محمد اشرف صابر کشمیری۔ میرواہ ناکہ ٹنڈوالہیار

 

وینس ۔ پانی کا شہر

  • اٹلی کے شہر وینس کی بنیاد 422ء میں پڑی۔
  • یہ شہر 485 کلومیٹر کے رقبے پر محیط ہے۔
  • وینس 120 جزائر پر مشتمل ہے، یہ جزیرے 409 پلوں کے ذریعے آپس میں ملے ہوئے ہیں۔

مرسلہ: حافظ علی اصغر / زبیر علی۔ ٹنڈوالہیار

 

شگوفہ

جوتوں کی دوکان کے پوسٹر پر کسی نے ڈاکٹر کی کلینک کا پوسٹر لگادیا کچھ دنوں کے بعد بارش کی وجہ سے اوپر والا پوسٹر جگہ جگہ سے پھٹ گیا تو اشتہار یوں پڑھنے میں آرہا تھا:

”ہمارے ہاں عمدہ قسم کے مریض مل جاتے ہیں۔ جوتوں کو پولیو کے ٹیکے لگانے کا خاص انتظام ہے۔ چیچک کے مریضوں کو ایک سال کی گارنٹی دی جاتی ہے۔ ٹائیفائیڈ کی خریداری اپنی مرضی سے کیجیے۔ ناکارہ مریضوں کی سلائی کے لیے تشریف لائیں۔ نت نئے ڈزائنوں میں مریض تیار کیے جاتے ہیں۔

مرسلہ: گل ناز لاڑک۔ پنجوڈیرو

 

علم

علم چار چیزوں سے حاصل ہوتا ہے۔ تاریخ مطالعہ، کائنات، صفائی دل اور وحی سے۔

عالم وہی ہے جس کا اپنے علم پر عمل ہو، دین خزانہ ہے اور علم اس کا راستہ ہے۔

مرسلہ:فقیر محمد مبین گبول۔ حاجی لیموں گبول گوٹھ گلشن اقبال کراچی

 

سمجھ کی باتیں

چاند کا وجود اس کی چاندنی ہے، پھول کا وجود اس کی خوشبو ہے، مگر اپنا وجود آپ سے ہے اسے کسی ثبوت کی ضرورت نہیں۔

انسان چاہے کسی بھی رنگ اور کسی بھی نسل کا کیوں نہ ہو، اس کے آنسو اور خون کا رنگ ایک جیسا ہوتا ہے۔

مرسلہ یاسمین طاہری۔ دنبہ گوٹھ

 

دوستی

  • اچھا دوست حاصل کرنے کے لیے پہلے خود اچھا بنو۔
  • دوست مخلص ہو اور ناراض ہوجائے تو اس کی خاطر آنسو بہاؤ کہ یہ تمہارے آنسو اسکی دہلیز تک پہنج جاتے ہیں۔

مرسلہ: رضوان علی طاہری

 

اسلامی تعلیمات

  • اسلام کا چھٹا امام، امام جعفر صادق ہیں۔
  • قرآن پاک کے پہلے حافظ حضرت عثمان بن عفان رضی اللہ عنہ ہیں۔
  • حضرت علی کرم اللہ وجہہ کے قاتل کا نام عبدالرحمان ملجم تھا۔
  • حضرت امام حسین رضی اللہ عنہ کے قاتل کا نام شمر زی الجوشن تھا۔

مرسلہ: محمد ظہیر اوٹھو طاہری۔ نواب شاہ

 

قرآن پاک میں ہر ایک حرف کا تعداد

٭ الف:48872۔ ب:11422۔ ت:16199۔ ث:1277۔ ج:3272۔ ح:3973۔ خ:2416۔ د:5642۔ ذ:4697۔ ر:11793۔ س:5991۔ ش:2253۔ ص:2013۔ ض:1607۔ ط:1274۔ ظ:842۔ ع:9220۔ غ:3308۔ ف:8419۔ ق:6813۔ ک:9520۔ ل:32432۔ م:26536۔ ن:26560۔و:26536۔ ھ:19070۔ہ:19070۔ ء:4115۔ ی:25919۔

مرسلہ محمد صادق اوٹھو طاہری۔ نوابشاہ

 

عالمی معلومات

  • دنیا میں بلند ترین درخت کیلیفورنیا میں ہے۔
  • دنیا میں سب سے زیادہ تیزی سے بڑھتا ہوا درخت بانس کا ہے۔
  • دنیا میں سب سے پہلے چاول چین میں اگائے گئے تھے۔
  • دنیا میں سب سے زیادہ پوسٹ باکس انڈیا میں ہیں۔

مرسلہ: سید مظہر علی شاہ جیلانی۔ میرشاہ محمد گوٹھ ٹنڈوالہیار

 

اقوال زریں

علم روشنی ہے اور جہالت اندھیرا۔

آرزو نصف زندگی ہے اور بے حسی موت ہے۔

کامیابی صرف انہیں ملتی ہے جنہیں کامیابی کا یقین ہو۔

مرسلہ: محمد رضوان طاہری۔ ٹول پلازہ کراچی۔

 

اچھی باتیں

  • تم میں سے بہترین شخص وہ ہے جو قرآن سیکھے اور سکھائے۔ بخاری
  • اللہ تبارک و تعالیٰ کے ہاں پسندیدہ کھانا وہ ہے جس کو کھانے والے زیادہ ہوں۔ (ابن ماجہ)

مرسلہ: غلام مرتضیٰ ملک طاہری۔۔چمبڑ ناکہ ٹنڈوالہیار

 

مسکراہٹ

  • م۔ ۔ ۔ محبت
  • س۔ ۔ ۔ سکون
  • ک۔ ۔ ۔ کوشش
  • ر۔ ۔ ۔ راحت
  • ا۔ ۔ ۔ انمول
  • ہ۔ ۔ ۔ ہمت
  • ٹ۔ ۔ ۔ ٹکر

قاری احمد نواز میمن طاہری۔ لاڑکانہ

 

معلومات عامہ

  • قرآن شریف کا پہلا انگریزی ترجمہ جارج میل نے کیا۔
  • خانہ کعبہ کی بلندی 54 فٹ 9 انچ ہے۔
  • سنو خرگوش موسم کے مطابق اپنے بالوں کا رنگ تبدیل کرتا ہے۔

مرسلہ: ساگر ممتاز علی ملک۔۔بھریا روڈ

 

فرمان حضرت عثمان غنی رضی اللہ عنہ

  • دنیا جس کے لیے قید ہے قبر اس کے لیے آرام گاہ ہے۔
  • حقیر سے حقیر پیشہ ہاتھ پھیلانے سے بہتر ہے۔
  • زبان کی لغزش قدموں کی لغزش سے زیادہ خطرناک ہے۔

مرسلہ: طارق الرحمٰن طاہری۔۔گدور بیلہ

 

مہکتی کلیاں

  • انسان کی آزمائش جتنی بری اور مشکل ہوگی انعام بھی اتنا ہی بڑا ہوگا۔
  • دو حریص ایسے ہیں جن کا حرص کبھی ختم نہیں ہوگا، ایک علم کا اور دوسرا دنیا کا۔
  • کامیابی کا دارومدار آپ کی محنت یا دوسروں کی جہالت پر ہے۔

مرسلہ: محمد ذوالفقار نقشبندی۔ میرواہ ناکہ ٹنڈوالہیار

 

توجہ کا اثر

٭ایک بزرگ سے ان کے مرید نے اپنی محبت کا اظہارکیا۔ آپ نے فرمایا تمہیں کیا محبت ہے ہم کو ہی تم سے محبت ہے، اگر ہم اپنی توجہ کو ہٹالیں تو کبھی ہمارے پاس نہیں آسکتے۔ چنانچہ مرید کی تنبیہ کے لیے انہوں نے ایک بار توجہ ہٹالی، کئی مہینے تک پاس آنے کی توفیق نہیں ہوئی حالانکہ تھا اسی شہر میں۔ پھر توجہ کی تو آ موجود ہوا۔ فرمایا دیکھا بھئی یہ ہے تمہاری محبت کی حقیقت واصلیت۔

مرسلہ: مولا بخش طاہری۔۔ضلع لسبیلہ اوتھل

 

موت ایک اٹل حقیقت ہے

  • موت کو اگر حکومت کے ذریعے ٹالا جاسکتا تو فرعون کو کبھی موت نہ آتی۔
  • اگر موت کو وزارت کے ذریعے ٹالا جاسکتا تو ہامان کو کبھی موت نہ آتی۔
  • اگر موت کو مال دولت کے ذریعے ٹالا جاسکتا تو قارون کو کبھی موت نہ آتی۔
  • اگر موت کو قوت بازو کے ذریعے ٹالا جاسکتا تو رستم و سہراب کو کبھی موت نہ آتی۔

مرسلہ: عبدالجبار سومرو۔۔لائق پورٹھٹھہ

 

الحدیث

سائل کو کچھ دیا کرو خواہ وہ گھوڑے پر سوار ہوکر آئے۔

غیبت قتل سے بھی بری چیز ہے چغل خور جنت میں داخل نہ ہوگا۔

بات اچھی کرو ورنہ خاموش رہو خود کو بدگمانی سے بچاؤ۔

مرسلہ: محمدکامران گلزار۔۔ٹنڈوالہیار

 

اقوال زریں

  • والدین کی خوشنودی دنیا میں موجب دولت ہے اور آخرت میں باعث نجات۔ (حضرت ابوبکر صدیق رضی اللہ عنہ)
  • احمق کی دوستی سے احتراز لازم ہے۔ (حضرت عمر فاروق رضی اللہ عنہ)
  • زبان بند رکھنا سب سے بڑی عبادت ہے۔ (حضرت عثمان غنی رضی اللہ عنہ)
  • سب سے زیادہ قریب اور بڑا دشمن اپنا نفس ہے۔ (حضرت علی رضی اللہ عنہ)

مرسلہ: وفا محمد ابراہیم طاہری ۔۔ٹنڈوالہیار

 

اقوال زریں

  • عالم اس وقت عالم ہوگا جب وہ اپنے علم پر عمل کرے گا۔(فرمان نبوی صلّی اللہ علیہ وسلم)
  • حضرت عمر رضی اللہ عنہ سے سوال کیا گیا کہ منافق عالم کیسے ہوتا ہے، آپ نے فرمایا وہ جس کی زبان تو عالم ہو مگر دل اور زبان جاہل ہوں۔

مرسلہ: حافظ وحید علی بھٹی ۔۔مرکز ٹول پلازہ کراچی

 

عمل کی باتیں

  • منصوبہ بناؤ فراست کے ساتھ
  • سوچو جذبہ تعمیر کے ساتھ
  • کھاؤ اعتدال کے ساتھ
  • جھکو وقار کے ساتھ
  • بولو اختصار کے ساتھ

مرسلہ:فرزانہ جہانگیر۔۔ لاہور

 

علم

  • طاقت ور بننا چاہتے ہو تو علم حاصل کرو۔
  • تعلیم سلیقہ سکھاتی ہے اور محنت سے انسان اپنی زندگی بناتا ہے۔
  • علم سے محبت کرنے والا خود لوگوں کی محبت کا مرکز بن جاتا ہے۔
  • ترقی کی شاہراہ کی پہلی منزل علم ہے۔

مرسلہ: اشفاق احمد شیخ ۔۔لاڑکانہ

 

اے زندگی

اے زندگی تو بہت خوبصورت مگر تلخ ہے۔ تیری خوشیاں خواب اور دکھ کربناک حقیقتیں ہیں۔ تیرا پیار جھوٹا، تیری وفائیں بے وفائیاں ہیں۔ تو فنا ہے، بقا تو محض چند سانسوں کا نام ہے مگر پھر بھی اے زندگی تو قابل قدر تحفہ ہے۔ تو آخرت کی کھیتی ہے، نجات کے بیج تجھ میں کھلتے ہیں۔ تیرے مصائب اور کرب محض آزمائشیں ہیں۔ تیرا سفر اک شاہراہ کا سفر ہے جس کا انجام موت ہے۔ اگرچہ تو بہت کرب دینے والی ہے پھر بھی اے زندگی تو کتنی حسین ہے کہ انسان موت کی ہولناکیوں سے لرز کر تیرے ہی دامن میں قہقہے سمیٹنے میں مصروف ہے۔

مرسلہ: ثمینہ کوثر۔ بھلیر 119

 

ا نمول موتی

  • مصیبت کی جڑ انسان کی گفتگو ہے۔
  • جب کسی شخص کو دوسروں کی عیب جوئی کرتے دیکھو تو اسے اپنے دوستوں سے خارج کرو۔
  • مسکراہٹ روح کا دروازہ کھول دیتی ہے۔
  • مبارک ہیں وہ لوگ جن کے پاس نصیحت کرنے کے لیے الفاظ نہیں اعمال ہوتے ہیں۔

مرسلہ:حارث سجاد بوزدار

 

صرف ایک منٹ میں

  • انسان ایک منٹ میں 63 ہزار آٹھ سو گیلن پانی پیتے ہیں جبکہ چار ہزار ٹن خوراک کھاتے ہیں۔
  • ایک منٹ میں سات سو ٹن فولاد بنایا جاتا ہے۔
  • ایک منٹ میں چار ہزار چھ سو نئے جوتے بنائے جاتے ہیں اور اٹھارہ ہزار نئی کاریں بنائی جاتی ہیں۔

مرسلہ: محمد بلال۔۔اسلامک سینٹر کراچی

 

ضرور کریں

  • ہر حالت میں تبلیغ
  • جوانی میں زیادہ عبادت
  • ماں باپ کی خدمت
  • صدقہ اور خیرات۔

مرسلہ:امن طاہری۔۔ٹول پلازہ کراچی

 

معلوماتی گلدستہ

  • پاکستان کا پہلا گورنر قائد اعظم تھا ۔ 1947 سے 1948 تک۔
  • پاکستان کا دوسرا گورنر خواجہ نظام الدین تھا۔ 1948 سے 1951 تک۔
  • پاکستان کا تیسرا گورنر ملک غلام محمد تھا ۔ 1951 سے 1955 تک۔
  • پاکستان کا چوتھا گورنر جنرل سکندر مرزا تھا۔ 1955 سے 1956 تک۔

مرسلہ:محمد محسن طاہری۔۔اسلامک سینٹر کراچی

 

روح

  • کائنات کی روح حضرت محمد صلّی اللہ علیہ وسلم
  • کتابوں کی روح قرآن مجید
  • عبادت کی روح ذکر الٰہی
  • رمضان کی روح لیلۃ القدر
  • فقراء کی روح حضرت محبوب سجن سائیں مدظلہ العالی

مرسلہ: وقاص اعوان ۔۔ماتلی

 

دانائی والے قول

  • اطمینان سب سے بڑا سکھ ہے اور بے اطمینانی سب سے بڑا دکھ ہے۔
  • جب انسان کے دل میں روشنی نہ ہو تو وہ چراغوں کے میلے لگا کر کیا کرے گا۔
  • ٹھوکر وہی کھاتا ہے جو راستے سے پتھر نہیں اٹھاتا۔

مرسلہ:رضوان علی طاہری۔۔نیول کالونی کراچی

 

سنہری باتیں

  • مصائب سے مت گھبرائیں کیونکہ ستارے اندھیروں میں ہی چمکتے ہیں۔
  • بانٹنے سے خوشی بڑھتی ہے۔
  • پیش کرنے کا انداز تحفے سے قیمتی ہوتا ہے۔

مرسلہ:سعدیہ طاہری۔۔جھنگ

 

ایک پیغام اپنے نوجوان دوستوں کے نام

  • خود کو علم و عقل والا بھی سمجھتے ہو اور کام بیوقوفوں جیسے کرتے ہو۔
  • خوب سمجھتے ہو کہ دین پر عمل کرنا دونوں جہانوں میں کامیابی کا راستہ ہے پھر کہتے ہو کہ یہ کام عالموں، بزرگوں اور مدرسہ میں پڑھنے والوں کا ہے۔

مرسلہ: غلام مجتبیٰ بروہی طاہری۔۔سندھ یونیورسٹی جامشورو

 

ہنسنا منع ہے

ایک آم والا آم بیچ رہا تھا تو کسی نے اس سے پوچھا کہ کیا یہ لنگڑے آم ہیں۔ تو اس نے جواب دیا تبھی تو سر پر رکھ کر گھما رہا ہوں۔

مرسلہ: خوش محمد بروہی طاہری۔۔لاڑکانہ

 

علم کے فائدے

  • علم آنکھوں کا نور ہے۔
  • علم دلوں کی روشنی ہے۔
  • علم کا طالب خدا کی رحمت کا متلاشی ہے۔

مرسلہ: شاہ رخ خان ابڑو۔ شیخ زیدکالونی لاڑکانہ

 

توبہ

  • اگر انسان کی عقل اس کی اپنی زندگی کو خوشگوار نہ بناسکے تو اسے زعم آگہی سے توبہ کرنی چاہیے۔
  • اگر انسان کو اپنا حال اور حالات درست کرنے کا شعور نہ ہو تو اسے دانشور کہلانے سے توبہ کرنی چاہیے۔
  • اگر انسان اپنے آپ کو غم، پریشانی، غریبی، غریب الوطنی یا موت سے نہ بچاسکے تو اسے اپنے خود مختار ہونے سے توبہ کرنی چاہیے۔

مرسلہ: محمد رمضان جوکھیو طاہری۔ بندیجا اسٹاپ گڈاپ

 

میری ڈائری سے

اگر اندھیرے میں سایہ ساتھ چھوڑ دیتا ہے تو زیادہ روشنی میں بھی سایہ ساتھ نہیں دیتا فرق تھوڑا سا ہے۔

مرسلہ: سجاد طاہری۔ ماتلی

 

اقوال زریں

سادگی ایمان کی علامت ہے۔ (رسول اکرم صلّی اللہ علیہ وسلم)

گناہ جوان کا بھی اگرچہ بد ہے مگر بوڑھے کا بدتر ہے۔ (حضرت ابوبکر صدیق رضی اللہ عنہ)

خشوع و خضوع کا تعلق دل سے ہے نہ کہ ظاہری کرامات سے۔ (حضرت عمر فاروق رضی اللہ عنہ)

خاموشی غصے کا بہترین علاج ہے۔ (حضرت عثمان غنی رضی اللہ عنہ)

عادات پر غالب آنا کمال فضیلت ہے۔ (حضرت علی رضی اللہ عنہ)

رانا ماجد خان۔ یاسین کالونی بھریاروڈ

 

سب سے پہلے

سب سے پہلے حضرت بلال رضی اللہ عنہ نے اذان دی۔

سب سے پہلے خدائی دعویٰ نمرود نے کیا۔

سب سے پہلے 25 سال کی عمر میں ہابیل کا قتل ہوا۔

غلام مرتضیٰ ملک۔ ٹنڈوالہیار

 

لطیفہ

استاد: بتاؤ توانائی کسے کہتے ہیں؟

شاگرد:سر جس توے پر نائی بیٹھا ہو اسے توانائی کہتے ہیں۔

مرسلہ: محمد کامران گلزار کشمیری۔۔ٹنڈوالہیار

 

اقوال زریں

خدا کی چکی آہستہ چلتی ہے مگر باریک پیستی ہے۔

اگر سننا چاہتے ہو تو خدا کی تعریف اور مظلوم کی پکار سنو۔

مرسلہ: شیخ عبدالمجید طاہری۔بلوچستان

 

معلومات

  • دنیا میں سب سے زیادہ کافی سوئیڈن میں پی جاتی ہے۔
  • سب سے زیادہ کھجوریں عراق میں پائی جاتی ہیں۔
  • دودھ دینے والے جانوروں کی 4500 اقسام ہیں۔

مرسلہ: غلام مصطفی پالاری۔ اللہ آباد شریف کنڈیارو

 

سنہرے اقوال

  • اس شخص سے بچو جو باعزت ہوکر مجلس میں بیٹھے اور بے عزت ہوکر اٹھے۔
  • ملک کی بقا کفر سے ممکن ہے مگر ظلم سے نہیں۔

مرسلہ: محمد حنیف شیخ طاہری

سنہرے اقوال

  • بہترین انسان وہ ہے جس سے دوسروں کو فائدہ پہنچے۔

  • دشمن سے زیادہ خطرناک وہ شخص ہے جو دوست بن کے دھوکہ دے۔

مرسلہ: مفتی ابوالجواد