فہرست الطاہر شمارہ نمبر 47
رمضان 1428ھ بمطابق اکتوبر 2007ع

گلہائے رنگ رنگ

 

چار چیزیں

  • خلفائے راشدین چار ہیں۔ حضرت ابوبکر صدیق، حضرت عمر فاروق، حضرت عثمان غنی، حضرت علی المرتضیٰ رضی اللہ عنہم۔
  • طریقت کے سلسلے چار ہیں۔ نقشبندی، قادری، چشتی، سہروردی۔
  • حضور قبلہ عالم کی بڑی دینی درسگاہیں چار ہیں۔ درگاہ اللہ آباد شریف، درگاہ فقیر پورشریف، درگاہ طاہرآباد شریف، مرکز اصلاح المسلمین کراچی۔

مرسلہ: نذیر احمد حنفی طاہری ۔ درگاہ اللہ آباد شریف کنڈیارو

 

گوہر نایاب

  • خوبصورتی کپڑوں میں نہیں عمر و ادب سے ہوتی ہے۔
  • اچھی کتاب انسان کے لیے زندگی کا سرمایہ ہے۔
  • ایمان اور عمل دو جڑواں بھائی ہیں جو جدا نہیں ہوتے۔

مرسلہ: عبدالمجید شیخ طاہری

 

مہکتی کلیاں

  • نفرت نفرت سے کم نہیں ہوتی بلکہ محبت سے کم ہوتی ہے۔
  • خدا کو زبان میں سختی پسند نہیں اس لیے زبان میں ہڈی نہیں ہے۔
  • مصائب سے مت گھبراؤ کیونکہ ستارے اندھیرے ہی میں چمکتے ہیں۔

مرسلہ: رحمت اللہ طاہری ۔ بیلہ بلوچستان

 

شگوفے

آدمی بچے سے ”بیٹا سنا ہے تم بہت ہوشیار ہو ایک سوال کا جواب تو بتاؤ“۔

بچہ: (فرمان برداری سے) ”جی پوچھئے“۔

آدمی: ”اگر میں تمہارے ابو کو پچاس روپے روز کے حساب سے تین دن تک دوں تو آپ کے ابو مجھے تین دنوں کے کتنے پیسے واپس کریںگے؟“

”جی کچھ نہیں“ بچے نے جواب دیا۔

آدمی: (حیرت سے) ”کیوں بیٹا تم حساب کتاب نہیں جانتے کیا؟“

بچہ: ”جی حساب کتاب تو اچھی طرح جانتا ہوں مگر آپ میرے ابو کو اچھی طرح نہیں جانتے“۔

مرسلہ: حنیف احمد طاہری ۔ اوتھل بلوچستان

 

پانی پینے کے متعلق سنتیں

  • پانی پینے سے پہلے بسم اللہ اور آخر میں الحمدللہ کہنا۔ (بخاری)
  • پانی پینے کی چیز پر پھونک نہ مارنا۔ (ابوداؤد)
  • جو شخص دوسروں کو پلائے وہ خود سب سے آخری میں پیئے۔ (ترمذی)

مرسلہ: سکندر علی طاہری ۔ حب چوکی بلوچستان

 

زندگی

زندگی دراصل موت کا دوسرا نام ہے، ہر وہ چیز جس میں جان ہے اس کو موت کا سامنا کرنا ہے۔ یہ زندگی بڑی قیمتی ہے، اس کو اچھی کاموں میں صرف کرنے سے انسان کا ضمیر مطمئن ہوتا ہے۔ اگر زندگی چاہے کیسی بھی ہو، گذر جاتی ہے، کیا ہی اچھا ہو کہ احکام الٰہی کے مطابق گذاردی جائے۔

مرسلہ: رحمت اللہ طاہری ۔ درگاہ اللہ آباد شریف

 

محبت

  • محبت دولت سے ہو تو مرض بن جاتی ہے۔
  • محبت دوست سے ہو تو راحت بن جاتی ہے۔
  • محبت اولاد سے ہو تو ممتا بن جاتی ہے۔
  • محبت خدا سے ہو تو بندگی بن جاتی ہے۔
  • محبت استاد سے ہو تو روشنی بن جاتی ہے۔

مرسلہ:گل ناز لاڑک ۔ پنجوڈیرو

 

خاموشی کے فائدے

  • خاموشی عبادت ہے بغیر کسی محنت کے۔
  • خاموشی غصے کا بہترین علاج ہے۔
  • کم بولنا حکمت ہے، کم سونا عبادت ہے اور کم کھانا صحت ہے۔
  • گلے اور شکوے سے زبان بند رکھو، اس سے راحت نصیب ہوگی۔
  • تجربہ کار ہونے لیے زباں بند رکھو، آنکھیں اور کان کھلے رکھو۔
  • بولنے سے فساد کا خطرہ ہو تو زباں بند رکھنی چاہیے۔

مرسلہ: گل ناز لاڑک ۔ پنجو ڈیرو

 

اسمائے محمد (صلّی اللہ علیہ وسلم)

  • اللہ کے نزدیک یاسین
  • تورات میں ماذماذ
  • انجیل میں فارقلیط
  • زبور میں عاقب
  • آسمانوں میں مجتبیٰ
  • زمین کے طبقیٰ اولیٰ میں معظم

مرسلہ: عبدالقیوم جت طاہری ۔ ٹھٹھہ سندھ

 

سنہرے اقوال

  • دشمن کی بات سے رنجیدہ خاطر نہ ہونا چاہیے، اگر سچ ہے تو قابل مشکوری ہے، اگر جھوٹ ہے تو اس کا وہ خود ذمیدار ہے۔
  • جو شخص محبت کا دعویٰ کرے اور تکلیف کے وقت فریاد کرے وہ محبت میں سچا نہیں بلکہ جھوٹا اور دروغ گو ہے۔

مرسلہ: اسد علی خان جت طاہری ۔ ٹھٹہ سندھ

 

انمول موتی

  • زندگی کی کتاب پڑھ کر صرف وہی لوگ کامیاب ہوتے ہیں جن کی توجہ اگلے باب پر ہوتی ہے۔

جہاں سورج طلوع ہوتا ہے وہاں روشنی ضرور ہوتی ہے، اسی طرح جہاں علم ہوتا ہے وہاں جہالت کا اندھیرا کبھی نہیں آسکتا۔

  • تمام خوبیوں کا مجموعہ علم سیکھنا ہے۔

مرسلہ: شان اقبال راجپوت ۔ بھریا روڈ

 

اقوال زریں

  • استاد کی عزت کرو، یہ وہ ہستی ہے جو تمہیں اندھیرے سے نکال کر روشنی کی راہ دکھاتی ہے۔
  • دنیا میں انہی لوگوں کی عزت ہوتی ہے جنہوں نے اپنے استاد کا احترام کیا۔
  • علم کی محبت اور استاد کی عزت کے بغیر کچھ حاصل نہیں ہوتا۔
  • اس سے زیادہ گنہگار کون ہوگا جس کے علم نے گناہوں اور فحاشیوں سے نہ روکا ہو۔

(امام ابو حنیفہ)

مرسلہ: محمد رمضان مغل ۔ بکیراروڈ

 

اچھی معلومات

کلام کا مدار چارچیزوں پر ہے

  • اللہ جلیل سے محبت
  • قلیل دنیا سے نفرت
  • قرآن کی اتباع
  • حالت کی تبدیلی کا ڈر

مرسلہ: فقیر غلام مصطفی پنہور طاہری ۔ ٹنڈو الہیار

 

حضرت آدم علیہ السلام

  • حضرت آدم علیہ السلام کی پیدائش کا دن جمعۃ المبارک ہے۔
  • حضرت حوا علیہا السلام کو حضرت آدم علیہ السلام کی پسلی سے پیدا کیا گیا۔
  • حضرت آدم علیہ السلام جنت سے نو چیزیں لائے تھے۔ حجر اسود، جنتی درختوں کی پتیاں، پھولوں کی پنکھڑیاں، مرہ لائہی جو جنت آس کی تھی، بیلچہ، کدال، کندر یا صنوبر، سندان (ایرن)، ہتھوڑا، سنڈاسی۔

مرسلہ: عدنان میہار پالاری طاہری ۔ دنبہ گوٹھ کراچی

 

مسواک کے فائدے

  • منہ کو صاف کرتی ہے۔
  • اللہ تعالیٰ کی رضا کا سبب ہے۔
  • ملائکہ کی خوشی کا ذریعہ ہے۔
  • آنکھوں کو جلا بخشتی ہے۔
  • دانتوں کو سفید کرتی ہے۔
  • منہ میں خوشبو پیدا کرتی ہے۔
  • نمازوں کا اجر اس سے بڑھ جاتا ہے۔

مرسلہ: سائرہ طاہری ۔ پالاری گوٹھ

 

اللہ اور بندے کا ساتھ

حضرت ابوہریرہ رضی اللہ عنہ سے روایت ہے کہ حضور اقدس صلّی اللہ علیہ وسلم کا ارشاد ہے کہ اللہ تعالیٰ فرماتاہے کہ:

میں اپنے بندے کے گمان کے ساتھ ہوتا ہوں، اور جب وہ مجھے یاد کرتا ہے تو میں اس کے ساتھ ہوتا ہوں۔ پس اگر مجھے اپنے دل میں یاد کرتا ہے تو میں بھی اسے اپنے دل میں یاد کرتا ہوں، اور اگر وہ مجمع میں میرا ذکر کرتا ہے تو میں مجمع (یعنی فرشتوں) میں اس کا ذکر کرتا ہوں۔ اور اگر وہ میری طرف ایک بالشت بڑھتا ہے تو میں ایک ہاتھ اس کی طرف متوجہ ہوتا ہوں، اور اگر وہ میری طرف ایک ہاتھ بڑھتا ہے تو میں دو ہاتھ اس کی طرف متوجہ ہوتا ہوں، اور اگر وہ میری طرف چل کر آتاہے تو میں اس کی طرف دوڑ کر آتا ہوں۔

مرسلہ: یاسمین طاہری ۔ دنبہ گوٹھ کراچی

 

مختلف ملکوں کے اوقات

جب پاکستان میں دوپہر کے 12:00 بجتے ہیں تو مختلف ممالک میں یہ ٹائم ہوتا ہے

  • بھارت 12:30 دوپہر
  • افغانستان 11:30 دوپہر
  • آسٹریلیا 05:00 شام
  • ایران 10:30 صبح
  • امریکا 01:00 رات
  • اٹلی 08:00 صبح
  • برطانیہ 07:00 صبح
  • ترکی 09:00 صبح
  • جرمنی 08:00 صبح
  • جاپان 04:00 دوپہر
  • سعودی عرب 10:00 صبح
  • اسپین 07:00 صبح
  • روس 10:00 صبح

مرسلہ: قاری احمد نواز میمن طاہری ۔ لاڑکانہ

 

فرمان رسول اللہ صلّی اللہ علیہ وسلم

تم میں سے کوئی شخص مؤمن نہیں ہوسکتا جب تک کہ میں اس کی نگاہ میں اس کے باپ، اس کے بیٹے، حتیٰ کہ تمام انسانوں سے میں زیادہ محبوب نہ ہوجاؤں۔ (بخاری)

مرسلہ: عبدالغفور مری ۔ جلال مسوری

 

گناہوں سے شفا پانے کا نسخا

حضرت شبلی رحمۃ اللہ علیہ ایک دفعہ کسی شفا خانے میں تشریف لے گئے اور دیکھا کہ ہزاروں مریض بھرے ہوئے ہیں، کوئی رو رہا ہے، کوئی چپ بیٹھا ہے، کوئی بے قراری کی حالت میں کھڑا ہے، اور کئی طبیب ان کے علاج میں مصروف ہیں۔ حضرت شبلی رحمۃ اللہ علیہ یہ حال دیکھ کر بے تاب ہوگئے اور انہوں نے ایک حکیم سے کہا کہ مجھے گناہوں کا مرض ہے اور اس کی وجہ سے مجھے سخت تکلیف رہتی ہے، اس درد نے میری نیند بھوک سب اڑادی ہے، اگر اس کی دوا بھی آپ کے پاس ہو تو مجھے عنایت فرمائیں؟ حکیم صاحب یہ سن کر متحیر ہوگئے اور بولے اس مرض کی تو کوئی دوا نہیں سوائے اس کے خدا آپ پر فضل کرے۔

یہاں یہ سب باتیں ہورہی تھیں اور سامنے میدان میں ایک آدمی عالم دیوانگی میں تنکے چننے میں مصروف تھا، اس نے یکایک سر اٹھا کر کہا ”شبلی یہاں آؤ میں اس کی دوا بتاؤں۔ حیا کے پھول، صبر و شکر کے پھل، عجز و نیاز کی جڑ، فکر و غم کی کونپل، سچائی کے درخت کے پتے، ادب کی چھال اور حسن و اخلاق کے بیج یہ سب لیکر ریاضت کے ہاون دستہ میں کوٹنا شروع کردو، اور اشک پشیمانی کا عرق ان میں روز ملاتے رہو۔ کئی دن یہی معمول رکھو اور پھر ان سب دواؤں کو دل کی دیگچی میں بھر کر شوق کے چولہے پر پکاؤ، اگر کچھ کمی رہی ہو تو اپنی جان بھی جلانے سے دریغ نہ کرنا۔ جب اچھی طرح جوش آجائے تو اتارکر صفائے قلب کی صافی میں چھان لینا اور شیریں زبان کی شکر ملاکر محبت کی تیز آنچ دینا۔ یہ معجون بڑی آنچ کھاتی ہے تب کہیں جاکر تیار ہوتی ہے۔ جس وقت تیار ہوکر اترے تو اس کو ارتقاء خوف خدا کی ہوا سے ٹھنڈا کرکے حفظ کے ڈبے میں بھر کر رکھ دینا اس کا کوئی خیال نہ کرنا کہ زیادہ کھانے سے نقصان ہوگا یہ کبھی بھی کسی کو مضر نہیں ہوگی، اور اس نے ہمیشہ گناہوں کے مرض کو فائدہ دیا ہے اور معرفت کے طبیبوں نے اس کی تعریف کی ہے۔ یہ ہے گناہوں سے شفاء پانے کا نسخہ۔“

خدا ہم سب مسلمانوں کو اس نسخہ کی آزمائش کی توفیق عطا فرمائے آمین۔

مرسلہ: سید مشتاق علی شاہ طاہری ۔ میر شاہ محمد ٹنڈو الہیار

 

سنہری باتیں

  • مرجھائے ہوئے درخت بہار میں پھر تازہ ہی ہوجاتے ہیں، لیکن گذرے ہوئے دن پھر نہیں لوٹتے۔
  • جس طرح کھولتے ہوئے پانی میں انسان کا عکس دکھائی نہیں دیتا اسی طرح انسان غصہ میں یہ نہیں سمجھ سکتا کہ اس کی بھلائی کس میں ہے۔
  • ڈوبنے والوں کے ساتھ ہمدردی کا مطلب یہ نہیں ہے کہ تم خود بھی ڈوب جاؤ، بلکہ تیر کر اس کو بچانے کی کوشش کرو۔

مرسلہ: محمد رمضان طاہری جوکھیو ۔ بندیجا اسٹاپ

 

اقوال زریں

خلیفہ ہارون الرشید کا قول ہے کہ چھوٹے بچوں میں پانچ خصلتیں ہوتی ہیں، اگر وہ خصلتیں بڑوں میں آجائیں تو وہ ولی اللہ بن جائیں۔

  1. مل کے کھاتے ہیں۔
  2. اگر لڑتے ہیں تو دل میں بغض نہیں رکھتے۔
  3. لڑنے کے بعد جلدی صلح کرلیتے ہیں۔
  4. اپنے بڑوں سے ڈرتے ہیں۔
  5. معمولی دھمکی پر روتے ہیں۔

مرسلہ: فقیر محمد ارشاد جوکھیو طاہری ۔ دھنی پرتو موسیٰ گوٹھ

 

ارشادات نبی صلّی اللہ علیہ وسلم

ایک دفعہ آنحضرت صلّی اللہ علیہ وسلم سے کسی صحابی نے پوچھا کون سا عمل افضل ہے؟ آپ صلّی اللہ علیہ وسلم نے فرمایا: جب تو دنیا سے رخصت ہو تیری زبان ذکر الٰہی سے تر ہو۔

آپ صلّی اللہ علیہ وسلم نے فرمایا میں تمہیں ایسی چیز نہ بتاؤں جو تمام اعمال سے بہترین اور تمہارے مالک کے نزدیک سب سے پاکیزہ اور تمہارے درجات بہت بلند کرنے والی ہو۔ صحابہ نے عرض کیا ضرور فرمائیے ۔آپ صلّی اللہ علیہ وسلم نے فرمایا ”اللہ کا ذکر“

مرسلہ: مصباح نورین ۔ دوکوٹہ تحصیل میلسی ضلع وہاڑی

 

ہفتے کے دن

حضرت ابوہریرہ رضی اللہ تعالیٰ عنہ بیان کرتے ہیں کہ رسول اللہ صلّی اللہ علیہ وسلم نے میرے ہاتھ کو پکڑ کر فرمایا اللہ عزوجل نے مٹی کو ہفتہ کے دن پیدا کیا اور پہاڑوں کو اتوار کے دن پیدا کیا اور درختوں کو پیر کے دن پیدا کیا اور نور کو بدھ کے دن پیدا کیا اور ناپسندیدہ چیزوں کو منگل کے دن پیدا کیا اور جمعرات کو چوپایوں کو پھیلادیا اور جمعے کے دن تمام مخلوق کے آخر میں عصر کے بعد جمعہ کی آخری ساعت میں سے کسی ساعت میں حضرت آدم علیہ السلام کو عصر سے لے کر رات تک پیدا کیا۔ صحیح مسلم صفحہ 595۔

مرسلہ: مظہر علی شاہ جیلانی ۔ بھٹارو شریف میر پور خاص

 

عام معلومات

  • صوبہ سندھ کا قومی جانور بیل ہے۔
  • صوبہ پنجاب کا قومی جانور بھینس ہے۔
  • صوبہ سرحد کا قومی جانور اونٹ ہے۔
  • صوبہ بلوچستان کا قومی جانور بھیڑ ہے۔

مرسلہ: ابوالقیوم مجید لانگاہ طاہری

 

مسلمانوں کے حقوق

  • جب کوئی بیمار ہو تو عیادت کرنا۔
  • جب ملاقات ہو سلام کرنا۔
  • جب دعوت کرے قبول کرنا۔
  • جب نصیحت چاہے نصیحت کرنا۔
  • جب اسے چھینک آئے تو یرحمک اللہ کہنا۔
  • جب مرجائے تو اس کے جنازے کے ساتھ جانا۔

مرسلہ : حمیر عباس انصاری۔۔پاٹولی محلہ ماتلی

 

سجدہ

کسی مکان میں ایک کرائے دار رہتا تھا۔ اس مکان کی چھت لکڑی کی تھی اور بہت آواز دیتی تھی۔ ایک دن مالک مکان اس کے گھر گیا تو کرائے دار نے کہا:

”جناب اس چھت سے عجیب اور غریب آوازیں آتی ہیں“۔ مالک مکان نے جواب دیا ”یہ چھت اللہ کی حمد و ثنا کرتی ہے“ تو کرائے دار نے کہا ”مجھے اس کے حمد و ثنا کرنے پر کوئی اعتراض نہیں، لیکن مجھے ڈر ہے یہ سجدہ نہ کرنے لگ جائے“۔

مرسلہ: خان سعدی ۔ کراچی

 

قرآنی معلومات

  • قرآن پاک میں لفظ احمد ایک مرتبہ آیا ہے۔
  • قرآن پاک میں لفظ محمد چار مرتبہ آیا ہے۔
  • قرآن پاک میں نماز کا حکم 700 مرتبہ آیا ہے۔
  • قرآن پاک میں کل رکوع 548 ہیں۔
  • قرآن پاک میں کل آیات 6666 ہیں۔

مرسلہ: سائیں عبدالوہاب ۔ ماتلی

 

اقوال زریں

عالم اس وقت عالم ہوگا جب وہ اپنے علم پر عمل کرے گا۔ (فرمان نبوی صلّی اللہ علیہ وسلم)

حضرت عمر رضی اللہ عنہ سے سوال کیا گیا کہ منافق عالم کیسا ہوتا ہے؟ آپ نے فرمایا وہ جس کی زبان تو عالم ہو مگر دل اور زبان جاہل ہوں۔

مرسلہ: علی خان مری ۔ میرپور خاص

 

سائنسی معلومات

ابن الہیشم مسلمان سائنسدان نے پن ہول کیمرا ایجاد کیا۔

جابر بن حیان نے سب سے پہلے تیزاب (Acid) ایجاد کیا۔

وائیر میں نے انک پین ایجاد کیا۔

جارج اسٹفنسن (George Stephenson) نے اسٹیم انجن (Steam engine) ایجاد کیا۔

رائٹ براداران نے ایئرو پلین (جہاز) ایجاد کیا۔

تھامس ایڈیسن نے بلب ایجاد کیا۔

مرسلہ: محمد افتخار طاہری ۔ لاڑکانہ

 

آئی ہنسی

ایک شخص ایک دکان میں داخل ہوتے ہوئے بولا ”ڈاکٹر مجھے چشمے کی سخت ضرورت ہے“۔

دکاندار نے جواب دیا ”واقعی کیونکہ یہ حلوائی کی دکان ہے“۔

مرسلہ: ذیشان احمد طاہری ۔ ماتلی

 

معلومات

  • پیرس میں ایک اخبار شائع ہوتا ہے جو صرف فقیروں کے لیے ہے، اس کے سارے ایڈیٹر نامی گرامی فقیر ہیں۔
  • فرانس کے بادشاہ نپولین بونا پارٹ کا حافظہ اور سننے کی قوت حیران کردینے والی تھی۔ اسے اپنی فوج کے ہر سپاہی کا نام یاد تھا۔

محسن عارف آرائیں طاہری ۔ ٹنڈو الہیار

 

لطیفہ

ایک کنجوس نے اپنے بچوں سے کہا ”جو رات کا کھانا نہیں کھائے گا اسے ایک روپیہ ملے گا“۔ سب بچے روپیہ لے کر رات بھوکے سوگئے۔ صبح کنجوس نے کہا ”جو بچہ روپیہ دے گا صرف اسی کو ناشتہ ملے گا“۔

فقیر مسعود عارف طاہری ۔ ٹنڈو الہیار

 

ایک منٹ میں

  • ایک منٹ میں ساٹھ لاکھ سگریٹ پیئے جاتے ہیں۔
  • ایک منٹ میں ایک لاکھ پچاس ہزار اخبار فروخت ہوتے ہیں۔
  • ایک منٹ میں انسان کا دل 70 ستر مرتبہ دھڑکتا ہے۔

مرسلہ: تیمور عارف آرائیں طاہری ۔ ٹنڈو الہیار

 

اقوال زریں

انسان کو اپنے دشمن سے زیادہ دوست سے ڈرنا چاہیے، کیونکہ وہ اگر دشمن ہوگیا تو اس کے پاس کہنے کو اتنا کچھ ہوگا کہ تمہارا دشمن تو ان میں سے کچھ بھی نہیں جانتا ہوگا۔

مرسلہ: منصور عارف آرائیں طاہری ۔ ٹنڈو الہیار

 

سنہری باتیں

  • خوش کلامی ایک ایسا پھول ہے جو کبھی مرجھاتا نہیں۔
  • جو شخص قربانی و ایثار سے کام لیتا ہے وہ مر کر بھی زندہ رہتا ہے۔
  • زندگی مسلسل جدوجہد کا اور ہمت کا نام ہے۔

مرسلہ: حارث سجاد بوزدار ۔ طاہر آباد

 

سنہرے قول

  • اگر کسی کے اخلاق کو پرکھنا چاہتے ہو تو اس کے گھر اور قریب کے رشتہ داروں سے پوچھو۔
  • راستے سے تکلیف دہ چیز ہٹا دینا بھی عظیم نیکی ہے۔
  • کسی کے ساتھ احسن طریقے سے پیش آنا عبادت ہے۔

مرسلہ: محمد معشوق جلبانی ۔ درگاہ اللہ آباد شریف کنڈیارو