فہرست الطاہر
شمارہ 50، ربیع الاول 1429ھ بمطابق اپریل 2008ع

حمد باری تعالیٰ

 

بسم اللہ الرحمٰن الرحیم
ذات اسی کی ہے عفو و حلیم

حمد اسی ذات کی لکھ اے قلم
جو ہے بلاشبہ ربیع و عظیم

نام اُسی کا ہے سکون آفرین
ذکر اُسی کا ہے بشر کا ندیم

منفرد و بے بدل و بے نظیر
کوئی نہیں اس کا شریک و سہیم

غنچے کھلاتا ہے وہی صبحدم
حکم سے چلتی ہے اُسی کی نسیم

اس کی مدد ساتھ ہے ایک ایک گام
کر لے آدمی اگر عزم صمیم

اس کو ڈھونڈنے کیوں کہیں جائیے
ہے وہ رگِ جان بشر میں مقیم

اس نے رسول عربی کے طفیل
ہم کو دکھائی ہے راہِ مستقیم

عابد اُسی کا ہے فقیر حقیر
کہ وہ ہمیشہ ہے جواد و کریم

(عابد نظامی)