فہرست الطاہر
شمارہ 54، ربیع الاول 1430ھ بمطابق مارچ 2009ع

حمد باری تعالیٰ

 

ہے دل میں تیری یاد، زباں پر تری باتیں
دیتی ہیں مجھے لطف کے برابر تری باتیں

آئینہ ادراک میں ہے تیری تجلی
ماحول کو کرتی ہیں اجاگر تری باتیں

ہوتا ہے ترے ذکر سے روحوں میں اجالا
کرتی ہیں ہر ایک دل کو منور تری باتیں

ہے اس میں بھی انداز ترے لطف و کرم کا
خوش بخت ہے جس کے ہیں مقدر تری باتیں

ڈرتا ہے غضب سے تیرے جو عارف حق ہے
روتا ہے رلاتا ہے سناکر تری باتیں

مدحت میں کیا کرتا ہے جذبات کا اظہار
کرتا ہے شب و روز تناگر تری باتیں

ہیں نوک قلم پر تری مدحت کے ترانے
اشعار میں کرتا ہے سخنور تری باتیں

کرتا ہے تیرے ذکر سے ہر قلب مزتی
امت کو سکھاتا ہے پیمبر تری باتیں

قرآن کے انوار سے سینہ ہے منور
صد شکر کہ حافظ کو ہیں ازبر تری باتیں