فہرست الطاہر
شمارہ 55، جمادی الآخر 1430ھ بمطابق جون 2009ع

گلہائے رنگ رنگ

فرمان نبوی صلی اللہ علیہ وسلم

لوگوں پر ایک زمانہ آئے گا کہ ان کا مقصد ان کا پیٹ ہوگا اور دولت ان کی عزت ہوگی اور پیسہ ان کا دین ہوگا، اور وہ بدترین ہوں گے اور آخرت میں ان کا حصہ نہیں ہوگا۔

اللہ تعالیٰ ہمیں برائی سے بچائے اور آخرت میں شرمندگی نہ ہو آمین۔

مرسلہ: رابعہ مستوئی۔ ٹنڈوالہیار


حدیث

حضرت عمار رضی اللہ عنہ نے فرمایا جس نے تین چیزوں کو جمع کرلیا اس نے ایمان (کی علامتوں) کو جمع کرلیا۔

  1. اپنے نفس سے انصاف کرنا۔
  2. سب کو سلام کرنا۔
  3. تنگ دستی میں خرچ کرنا۔

مرسلہ: سید مظہر علی شاہ جیلانی۔ میرپورخاص


خدا کا غصہ

حضرت عیسیٰ سے کسی نے پوچھا کہ کائنات میں سب سے سخت چیز کیا ہے؟ آپ نے فرمایا کہ خدا کا غصہ جس سے جہنم بھی لرزتی ہے۔ اس شخص نے پھر پوچھا یا حضرت خدا کے غصے سے بچنے کا کیا طریقہ ہے؟ آپ نے فرمایا کہ جب تمہیں کسی پر غصہ آئے تو خدا کے غصے کو پیش نظر رکھتے ہوئے اپنا غصہ پی جاؤ کیونکہ جو شخص دوسروں پر رحم نہیں کرتا ہے وہ رحمت خدا کی امید کیسے رکھ سکتا ہے۔ (مثنوی مولانا رومی)

مرسلہ: حافظ محمد حنیف۔ سجن آباد۔ اوتھل۔ بلوچستان


فرمان رسول صلی اللہ علیہ وسلم

  • مشورہ کرنے کے بعد کوئی انسان تباہ نہیں ہوگا۔
  • مجھے بلند اخلاق کی تکمیل کے لیے بھیجا گیا ہے۔
  • ندامت بھی توبہ ہے۔
  • چغلی خور جنت میں داخل نہیں ہوگا۔
  • ہر نیکی صدقہ ہے۔
  • انسان کا حسن اس کی زبان میں پوشیدہ ہے۔
  • دین اخلاص خیر خواہی کا نام ہے۔

مرسلہ: زینت طاہری۔ لیاری ٹاؤن کراچی


اقوال حضرت علی رضی اللہ عنہ

  • اپنی سوچوں کو پانی کے قطروں سے زیادہ شفاف رکھو کیونکہ جس طرح قطروں سے دریا بنتا ہے اسی طرح سوچوں سے ایمان بنتا ہے۔
  • انسان اپنی زندگی میں ہر چیز کے پیچھے بھاگے گا مگر دو چیزیں اس کا پیچھا کریں گی۔ ایک اس کا رزق اور دوسری اس کی موت۔
  • ہرگز ایسے شخص کی دوستی اختیار نہ کرو جو تمہاری برائیوں کو یاد رکھے اور تمہاری خوبیوں کو بھول جائے۔

مرسلہ: ندیم احمد سومرو طاہری


حضرت امام حسین رضی اللہ عنہ

  • مروت یہ ہے کہ تو اپنے وعدے کو پورا کرے۔
  • اپنے کام کے صلے کی واجب سے زیادہ امید نہ رکھو۔
  • حرص سے آدمی مصیبتوں میں پھنس جاتا ہے۔
  • سردار بننا چاہتے ہو تو حرکت و عمل میں جدوجہد کو اپنا معمول بناؤ۔

مرسلہ: حمیر عباس انصاری۔ ماتلی


پانچ کام

آپ صلی اللہ علیہ وسلم نے حضرت علی رضی اللہ عنہ سے فرمایا اے علی رات کو سوتے وقت پانچ کام کرکے سویا کرو۔

  1. چار ہزار دینار خدا کی راہ میں صدقہ کرکے سویا کرو۔
  2. جنت کی قیمت ادا کرکے سویا کرو۔
  3. دو لڑنے والوں میں صلح کرواکے سویا کرو۔
  4. ایک حج یا عمرہ کرکے سویا کرو۔
  5. ایک قرآن پاک پڑھ کر سویا کرو۔

حضرت علی رضی اللہ عنہ نے عرض کیا کہ یہ کام تو بہت مشکل ہے۔ آپ صلی اللہ علیہ وسلم نے فرمایا ”چار دفعہ الحمد شریف پڑھنے سے چار ہزار دینار صدقہ کرنے کا اجر ہے۔ تین دفعہ درود شریف پڑھنے سے جنت کی قیمت ادا ہوجاتی ہے۔ دس دفعہ استغفر اللہ پڑھنے سے دو لڑنے والوں میں صلح ہوجاتی ہے۔ کلمہ سوئم پڑھنے سے حج یا عمرہ کی قیمت ادا ہوجاتی ہے۔ تین بار سورہ اخلاص پڑھنے سے ایک قرآن پڑھنے کا اجر ملتا ہے۔

عرض کیا یہ کام تو روزانہ کرکے سویا کروں گا۔

مرسلہ: بے نظیر طاہری۔ دنبہ گوٹھ ملیر


فرمان حضرت علی رضی اللہ عنہ

  • دنیا کی عزت مال سے ہے اور آخرت کی عزت اعمال سے ہے۔
  • عمدہ باتوں کی تعلیم باتوں سے نہیں بلکہ عمل سے دی جاتی ہے۔
  • سچے اور مخلص دوستوں کی صحبت میں رہئے کیونکہ وہ خوشحالی میں باعث زینت اور آزمائش میں مددگار ہیں۔
  • مقدمات کا فیصلہ جلد کرنا چاہیے ایسا نہ ہو کہ دیر کے سبب انصاف کی افادیت ہی ختم ہوجائے۔

مرسلہ: فقیر شکیل احمد طاہری۔ مولا مدد لیاری کراچی


معلومات مسجد نبوی

  • مسجد نبوی کی پیمائش 82000 مربع میٹر ہے۔
  • مسجد نبوی کی بلندی 1225 میٹر ہے۔
  • مسجد نبوی میں 2014 ستون ہیں۔
  • مسجد نبوی کے ستون آپس میں 6x6 میٹر فاصلے پر ہیں۔
  • مسجد نبوی کی گنبد کی جگہ میں ستون کا فاصلہ 18میٹر ہے۔
  • مسجد نبوی کے متحرک گنبدوں میں ایک گنبد کا وزن 80 ٹن ہے۔
  • مسجد نبوی کی چھت کے اوپر کی نماز کی ادائیگی کی جگہ 58250 مربع میٹر ہے۔
  • مسجد نبوی کی چھت کی پیمائش 67000 مربع میٹر ہے۔
  • مسجد نبوی کی چھت پر تقریباً 90,000 افراد نماز پڑھ سکتے ہیں۔
  • مسجد نبوی کے صحن میں 430000 افراد نماز پڑھ سکتے ہیں۔
  • مسجد نبوی مسجد نبوی کے صحن کی پیمائش 235000 مربع میٹر ہے۔
  • مسجد نبوی میں کل 698000 افراد بیک وقت نماز ادا کرسکتے ہیں۔

مرسلہ: کاشف احمد راجپوت۔ کشمیری محلہ ماتلی


محراب النبی صلی اللہ علیہ وسلم

یہ محترم و مقدس مقام ہے جہاں سردار دو عالم صلی اللہ علیہ وسل منے کھڑے ہوکر حیات طیبہ کے آخری لمحات تک امامت فرمائی۔ آپ صلی اللہ علیہ وسلم کے وصال کے بعد حضرت ابوبکر صدیق رضی اللہ عنہ نے قدمین شریفین کی جگہ چھوڑ کر دیوار کھڑی کرادی تھی۔ تاکہ جہاں آپ صلی اللہ علیہ وسلم کی جبین مقدس رہتی تھی۔ وہاں کسی کا قدم نہ پہنچے۔ موجودہ محراب سلطان قائتبانی نے قائم کی۔ اور اس کو ادب و احترام کا لحاظ رکھتے ہوئے اس انداز پر بنایا گیا ہے کہ سجدہ کرنے والے کا سر عین اس مقام پر ہوتا ہے جہاں سرور دوجہاں صلی اللہ علیہ وسلم کے قدم مبارک ہوتے تھے۔ محراب کے بیچ والے حصے کے داہنی طرف دیوار پر ”ھذا مصلی النبی صلی اللہ علیہ وسلم“ کے الفاظ کندہ ہیں۔ اس کتبہ کے عین سامنے کھڑے ہونے اصل مصلیٰ نبی صلی اللہ علیہ وسلم کے مقام کا شرف حاصل ہوتا ہے۔ اکثر ناواقف حضرات محراب کو حضور اکرم صلی اللہ علیہ وسلم کی جائے اقامت خیال کرتے جو صحیح نہیں۔ غیر موسم حج نیز رمضان شریف کے عشرہ آخری کے تہجد کی نماز امام صاحب یہیں کھڑے ہوکر پڑھاتے ہیں۔

مرسلہ: بنت محمد زمان طاہری۔ برانچ کھنڈو گوٹھ کراچی


منقبت

میرے رہبر میرے دلبر میرے سجن سائیں ہیں
میرے مرشد میرے سائیں میرے سجن سائیں ہیں

جو رکھتے ہیں نظر مجھ پر میرے سجن سائیں ہیں
بھلا کیا مجھ کو خوف ڈر میرے سجن سائیں ہیں

لگی ہے بھیڑ دیوانوں کی ان کے آستانے پر
کرم کرتے ہیں جو سب پر میرے سجن سائیں ہیں

مسواک عمامہ داڑھی طاہری ٹوپی ذکر قلبی ہے ان کی عطا
جتاتے بھی نہیں دے کر میرے سجن سائیں ہیں

زمانہ مانے یا روٹھے بلا سے اپنی اے فرمان
کیا غم ہے مجھ کو مجھ سے راضی میرے سجن سائیں ہیں

مرسلہ: محمد فرمان علی راجپوت طاہری۔ سانگھڑ


خوشبو کی باتیں

  • پھولوں کی طرح بن جو ان ہاتھوں میں بھی خوشبو بسالیتے ہیں جو انہیں مسل دیتے ہیں۔
  • زندگی کا سبق پھولوں سے سیکھو جو کانٹوں کے درمیان رہ کر بھی مسکراتے ہیں۔
  • انسان اپنی خواہشات جتنی کم کریگا اتنا ہی خدا کے قریب ہوگا۔
  • اگر خدا کی محبت کا دعویٰ کرتے ہو تو اسکے بندوں کی خدمت کرو۔

مرسلہ: انور علی مستوئی۔ مستوئی کالونی ٹنڈوالہیار


معلومات

  • انسان 24 گھنٹے میں تقریباً 21 ہزار سانس لیتا ہے۔
  • انسانی جسم میں 3 لاکھ خون کی نالیاں ہوتی ہیں۔
  • اصلی ہیرے کو چاٹ لینے سے انسان مرجاتا ہے۔
  • چین کے ساتھ 16 ملکوں کی سرحدیں ملتی ہیں۔
  • چیونٹی کی تیز ترین رفتار 40 میٹر فی گھنٹہ ہوتی ہے۔

مرسلہ: شہاب الدین پیرزادہ طاہری۔ حب چوکی


ہنسنا منع ہے

ڈاکٹر (مریض کو دوا دیتے ہوئے) ”دو چمچ صبح، دو چمچ دوپہر اور چمچ شام پی لیں“

مریض ”جناب کوئی اور دوا دے دیں میں غریب آدمی ہوں میرے گھر میں اتنے چمچ نہیں ہیں۔“

ایک فقیر گھر کے سامنے صدا لگاتا ہے ”باجی! اللہ کے واسطے کھانا دے دو“

باجی ”ابھی کھانا تیار نہیں ہے بعد میں آنا“

فقیر ایک پرچی باجی کی طرف بڑھاتے ہوئے ”اس پر میرا نمبر لکھا ہے جب کھانا تیار ہوجائے تو مجھے مس کال دے دینا“

مرسلہ: شہاب الدین پیرزادہ۔ حب چوکی


قرآن کریم میں انبیاء کرام کے نام

  • قرآن کریم میں سب سے پہلے ابوالبشر حضرت آدم علیہ السلام کا تذکرہ آیا ہے، 25 آیات میں 25 مرتبہ آیا ہے۔
  • حضرت نوح علیہ السلام کا ذکر 43 مرتبہ آیا ہے۔
  • حضرت ادریس علیہ السلام کا ذکر 6 جگہ آیا ہے۔
  • حضرت ابراہیم علیہ السلام کا ذکر 26 جگہ آیا ہے۔
  • حضرت اسماعیل علیہ السلام کا ذکر 12مرتبہ آیاہے۔
  • حضرت موسیٰ علیہ السلام کا ذکر 136 جگہ پر آیا ہے۔
  • حضرت ہارون علیہ السلام کا ذکر 20 جگہ آیا ہے۔
  • حضرت سلیمان علیہ السلام کا ذکر 17جگہ آیا ہے۔
  • حضرت داؤد علیہ السلام کا ذکر 16 جگہ آیا ہے۔
  • حضرت ایوب علیہ السلام کا ذکر 64 جگہ آیا ہے۔
  • حضرت یعقوب علیہ السلام کا ذکر 16 جگہ آیا ہے۔
  • حضرت عیسیٰ علیہ السلام کا نام 99 جگہ آیا ہے۔
  • حضرت محمد صلی اللہ علیہ وسلم کا ذکر 221 جگہ آیا ہے۔

مرسلہ: غلام مصطفیٰ لاسی۔ حب چوکی بلوچستان


معلومات پاکستان

  • پاکستان کا سب بڑا گند مسجد طوبیٰ کا کراچی میں ہے۔
  • پاکستان کا سب سے پہلا سکہ 3جنوری 1948ء میں جاری ہوا۔
  • پاکستان کا سب سے بڑا چڑیا گھر لاہور میں ہے۔

مرسلہ: محمد طاہر رونجہ۔ حب بلوچستان


علم

  • علم ادراک ہے۔
  • علم تحصیل ہے یا وجدان حقیقت ہے۔
  • علم ثبوت ہے۔
  • علم احاطہ ہے۔
  • صوفیا نے اسے تجلی کہا ہے۔
  • علم خیال ہے تخیل بھی ہے۔
  • علم نور ہے جو خدا کی طرف سے انسان کو ودیعت کیا جاتا ہے۔

مرسلہ: جہانگیر مقبول۔ حب بلوچستان


سب سے افضل

  • تمام کتابوں سے افضل کتاب قرآن مجید ہے۔
  • تمام انبیاء میں افضل نبی محمد رسول اللہ صلی اللہ علیہ وسلم ہیں۔
  • تمام صحابہ کرام میں افضل حضرت ابوبکر صدیق رضی اللہ عنہ ہیں۔
  • تمام اعمال میں سے افضل عمل الایمان باللہ ہے۔
  • تمام مہینوں میں سے افضل مہینہ رمضان المبارک ہے۔
  • تمام راتوں میں سے افضل رات شب قدر ہے۔

مرسلہ: محمد علی انگاریہ طاہری۔ مرکزٹول پلازہ کراچی


قدر پوچھو

  • ماں کی کسی یتیم سے۔
  • آنکھ کی کسی نابینا سے۔
  • روٹی کی کسی بھوکے سے۔
  • آزادی کی کسی غلام سے
  • پانی کی کسی پیاسے سے۔
  • دوست کی کسی تنہا سے۔
  • علم کی کسی جاہل سے۔
  • پیسے کی کسی غریب سے۔

مرسلہ: اسرار اللہ گدور۔ مرکز ٹول پلازہ کراچی


بچوں کی عادات

  • جس بچے پر اعتبار نہیں کیا جاتا وہ دھوکا دینا سیکھتا ہے۔
  • جس بچے کا ہر وقت مذاق اڑایا جائے وہ بزدل ہوتا ہے۔
  • جس کو ہر وقت مارا جائے اس کی صلاحیتیں دب جاتی ہیں۔
  • جس بچے پر شفقت برتی جائے وہ محبت کرنا سیکھتا ہے۔
  • جس بچے کی حوصلہ افزائی کی جائے وہ پر اعتماد ہوتا ہے۔
  • جس بچے کی تعریف کی جائے وہ اچھی چیز کو پسند کرتا ہے۔
  • جس بچے کی بے جا خواہش پوری کی جائے وہ سرکش ہوجاتا ہے۔

مرسلہ: اقبال طاہری۔ ٹنڈوالہیار


مختلف ملک کے فاتح

  • فاتح شام حضرت عبیدہ بن الجراح رضی اللہ عنہ۔
  • فاتح ایران حضرت سعد بن ابی وقاص رضی اللہ عنہ۔
  • فاتح مصر حضرت عمرو بن العاص رضی اللہ عنہ۔
  • فاتح مراکش حضرت عقبہ بن نافع رضی اللہ عنہ۔
  • فاتح افریقہ موسیٰ بن نصیر رحمۃ اللہ علیہ۔
  • فاتح اسپین طارق بن زیاد رحمۃ اللہ علیہ۔
  • فاتح سندھ محمد بن قاسم رحمۃ اللہ علیہ۔
  • فاتح فلسطین صلاح الدین ایوبی رحمۃ اللہ علیہ۔
  • فاتح فرانس امیر عبدالرحمٰن رحمۃ اللہ علیہ
  • فاتح پانی پت احمد شاہ ابدالی رحمۃ اللہ علیہ

معلومات

  • صوبہ سندھ کا رقبہ 140914 کلومیٹر ہے۔
  • صوبہ پنجاب رقبہ 205345 کلومیٹر ہے۔
  • صوبہ بلوچستان کا رقبہ 347190 کلومیٹر ہے۔
  • صوبہ سرحد کا رقبہ 74521 کلومیٹر ہے۔
  • اسلام آباد کا رقبہ 906 مربع کلومیٹر ہے۔

مرسلہ: فیضان احمد راجپوت طاہری۔ ماتلی


کس نے کیا کہا

  • گلاب نے کہا زندگی خوشبو کا نام ہے۔
  • گلشن نے کہا زندگی خوبصورتی کا نام ہے۔
  • دولت کے اندھے امیر نے کہا زندگی عیش و عشرت کا نام ہے
  • فقیروں نے کہا زندگی سجن سائیں کی محبت کا نام ہے۔

دعا

اللہ وہ دل دے جو ترے عشق کا گھر ہو
دائمی رحمت کی تری اس پر نظر ہو

دل دے کہ ترے عشق میں یہ حال ہو اس کا
محشر کا اگر شور ہو تو بھی نہ خبر ہو

مرسلہ: علی خان مری طاہری۔ میرپور خاص


عیسوی سال

  • عیسوی سال اتوار کے دن سے شروع ہوا۔
  • پہلے لیپ سال کا دن بدھ تھا۔
  • لیپ سال کے بعد آنے والا سال ایک دن بعد شروع ہوتا ہے۔ مثال پہلا لیپ سال بدھ سے شروع ہوا اور 5ء کا سال جمعہ کے دن سے شروع ہوا۔

مرسلہ: محمد ہارون۔ حب چوکی بلوچستان


منقبت

عشق کا پیارا ساز سجن
ہے حق کی آواز سجن

مٹ جاتے ہیں غم سارے
ایسا چارہ ساز سجن

دو جگ میں کامیابی کا
بس ہے ایک راز سجن

در تیرے پر سوالی ہوں
مجھ کو اب نواز سجن

مرسلہ:مسز اعجاز۔ راولپنڈی


ارشاد رسول کریم صلی اللہ علیہ وسلم

  • نماز مسلمانوں کی معراج ہے۔
  • نماز جملہ عبادات کی پیشوا اور سردار ہے۔
  • نماز جنت کی کنجی ہے۔
  • نماز جس نے چھوڑی اس کا کوئی دین نہیں۔

مرسلہ: عبدالحمید طاہری۔ مرکز حسن آباد حب بلوچستان


زندگی

زندگی کا مقصد سامنے رکھ کر آگے بڑھنا چاہیے کیونکہ مقصد کے بغیر زندگی ایک ایسے تاریک غار کی مانند ہے جس میں ٹھوکر لگ کر گرجانے کا اندیشہ رہتا ہے اور اگر اس تاریک غار میں مقصد حیات کی شمع روشن کرلی جائے تو آگے کا سفر آسانی سے طے ہوسکتا ہے۔

مرسلہ: محمد فیضان مغل۔ ماتلی


تلاوت

نبی کریم صلی اللہ علیہ وسلم نے فرمایا ”آنکھوں کو ان کا حق دو“ لوگوں نے پوچھا حضور آنکھوں کا کیا حق ہے؟ آپ صلی اللہ علیہ وسلم نے فرمایا ”قرآن شریف کی طرف نظر کرنا اور اس کی تلاوت کرنا“

درود شریف

ایک شخص نے خواب میں خوفناک بلا دیکھی گھبرا کر پوچھا تو کون ہے؟ بلا نے جواب دیا میں تیرے برے اعمال ہوں۔ پوچھا تجھ سے نجات کی کیا صورت ہے؟ جواب ملا درود شریف کی کثرت۔

مرسلہ: محمد اکرم چنہ۔ سوبھو ڈیرو ضلع خیرپورسندھ


استاد کی تعظیم

﴾سکندر اعظم سے کسی نے پوچھا کہ کیا وجہ ہے کہ آپ اپنے استاد کی تکریم اپنے والد سے بھی زیادہ کرتے ہیں سکندر اعظم نے جواب دیا ”باپ نے مجھے جسمانی زندگی دی اور استاد نے روحانی اور وہ فانی اور یہ غیر فانی ہے۔

مرسلہ: محمد رمضان مغل ثانی۔ ماتلی


دنیادار

حضرت علی رضی اللہ عنہ سے کسی نے سوال کیا “امیرالمؤمنین ! دنیا داری کی آپ کیا تعریف کریں گے؟

حضرت علی رضی اللہ عنہ نے جواب دیا ”دنیادار بھونکنے والے کتوں کی طرح ہوتا ہے جو ایک دوسرے پر غراتے ہیں یہ سب درندوں کی طرح ہوتے ہیں ان میں طاقتور اپنے سے کمزور کو کھا جاتے ہیں اور بڑے چھوٹوں کو ہڑپ کرجاتے ہیں۔“

مرسلہ: محمد وقاص طاہری۔ ماتلی


قابل غور

  • غم کا علاج مصروفیت ہے۔
  • سب سے بڑی غلطی اپنی غلطیوں سے بے خبر رہنا ہے۔
  • جھوٹی انا ہمیں ان لوگوں سے بھی دور کردیتی ہے جو ہمیں بہت عزیز ہوتے ہیں۔
  • رشتے جب اذیت کے سواء کچھ نہ دیں تو ان سے کنارہ کشی ہی بہتر ہے۔

مرسلہ: حافظ سجاد احمد طاہری۔ ماتلی


معلومات عام

  • شہد کی مکھی کی پانچ آنکھیں ہوتی ہیں۔
  • بندر کے دو دماغ ہوتے ہیں۔
  • انسانی جسم میں تقریباً 25 لاکھ مسام ہوتے ہیں۔
  • مچھر کے بائیس دانت ہوتے ہیں۔
  • چلی ایسا ملک ہے جہاں مرغیاں نیلے رنگ کے انڈے دیتی ہیں۔
  • سانپ کچھ کھائے پئے بغیر دو سال تک زندہ رہ سکتا ہے۔
  • سب سے زیادہ عرصے تک زندہ رہنے کا ریکارڈ ہاتھی اور کوے کا ہے۔

مرسلہ: محمد حنیف خاصخیلی طاہری۔ حب ضلع لسبیلہ بلوچستان


فرمان سوہنا سائیں رحمۃ اللہ علیہ

فرمایا مبلغ کے لیے ضروری ہے کہ تبلیغ کے لیے جاتے وقت یہ خیال کرے کہ میرے پاس نہ علم ہے نہ عمل ہے میری ذاتی حیثیت کچھ بھی نہیں۔ البتہ جن کا بھیجا ہوا ہوں (اپنے پیرومرشد) ان کے پاس بہت ہے۔ فیض دینے والے وہی ہیں میں محض قاصد ہوں، اس نظریے کے تحت تبلیغ کرنے سے ہی تبلیغ کا اصل فائدہ حاصل ہوگا ورنہ نہیں۔

مرسلہ: جاوید عمران۔ ٹنڈوالہیار


معلومات

  • مراکش کا قومی ترانہ موسیقی ہے۔
  • دنیا میں سب سے زیادہ گنا کیوبا میں پیدا ہوتا ہے۔
  • سب سے پہلے ایٹمی نظریہ ڈالٹن نے پیش کیا۔
  • رقبہ کے لحاظ سے دنیا میں سب سے چھوٹا ملک مناکو ہے۔
  • دنیا میں سب سے زیادہ نمک پاکستان میں ہے۔
  • دنیا میں سب سے زیادہ ریشم چین میں پیدا ہوتا ہے۔
  • آگ برسانے والا درخت ملائیشیا میں پایا جاتا ہے۔
  • انڈونیشیا میں ایک ایسا کنواں ہے جس میں رونے کی آوازیں آتی ہیں۔
  • خالص ہیرا پانی میں دکھائی نہیں دیتا۔

مرسلہ:


قرآن میں آنے والے حروف

الف 48872۔ ب 11228۔ ت 1199۔ ث 1276۔ ج 3273۔ ح 973۔ خ 2416۔ د 5642۔ ذ 4697۔ ر 11793۔ ز 1590۔ س 5891۔ ش 2253۔ ص 2013۔ ض 1607۔ ط 1274۔ ظ842۔ ع92200۔ غ2208۔ ف8499۔ ق6813۔ ک9522۔ ل3432۔ م26535۔ ن26560۔ و2556۔ ہ1907۔ لام الف3420۔ ہمزہ4115۔ ی25919۔

مرسلہ: صائمہ سیال طاہری۔ دربار اللہ آباد شریف


نعت

قسمت سے مل گئی ہے قیادت حضور صلی اللہ علیہ وسلم کی
اللہ کا کرم ہے عنایت حضور صلی اللہ علیہ وسلم کی

دو لفظ میں خلاصہ ہے پیغام دین کا
وحدانیت خدا کی رسالت حضور صلی اللہ علیہ وسلم کی

ہر ایک کی مراد یہاں آکے مل گئی
نگری رہے ہمیشہ سلامت حضور صلی اللہ علیہ وسلم کی

رب کریم شان کریمی کا واسطہ
جنت میں ہو نصیب رفاقت حضور صلی اللہ علیہ وسلم کی

یہ معجزہ ہے آپ کا ہر دور میں یہاں
ہوتی ہے آشکار صداقت حضور صلی اللہ علیہ وسلم کی

ہم کو خدا نصیب کرے اپنے فضل سے
الفت کے ساتھ ساتھ اطاعت حضور صلی اللہ علیہ وسلمکی

مرسلہ: محمد عثمان طاہری۔ لسبیلہ حب سٹی بلوچستان


پانچ انعامات

رسول مقبول صلی اللہ علیہ وسلم نے فرمایا پانچ چیزیں اللہ تعالیٰ جس کو دیتا ہے اس کو پانچ اور بھی عنایت فرماتا ہے۔

  • جس کو شکر کرنے کی توفیق ملتی ہے اس کو برکت ملتی ہے۔
  • جو استغفار کرتا ہے خدا اس کو بخشتا ہے۔
  • جو دعا کرنے کا عادی بنتا ہے خدا اس کو بخشتا ہے۔
  • جو توبہ کرتا ہے اللہ اس کو قبول کرتا ہے۔
  • جو صدقہ کرتا ہے اللہ اسے شرف قبولیت سے نوازتا ہے۔

مرسلہ: شکیلہ یوسف۔ چھینی ٹیٹو نارووال


مہکتی کلیاں

  • انسان خود عظیم نہیں ہوتا بلکہ اس کا کردار اسے عظیم بناتا ہے۔
  • بد اخلاقی انسان کو اکیلا کردیتی ہے۔
  • اگر وفا کا درس لینا چاہتے ہو تو پھول سے لو جو پودے سے جدا ہوتے ہی مرجھا جاتا ہے۔

مرسلہ: عبدالغفار تھیبو۔ ڈاسوڑی شریف ٹنڈوالہیار


علم

  • علم اس دیے کی مانند ہے جس کو کبھی تیل کی ضرورت نہیں ہوتی۔
  • علم دین اور دنیا کا نور ہے۔
  • علم ایسا خزانہ ہے جسے چرایا نہیں جاسکتا۔

مرسلہ: علی مراد بروہی طاہری۔ ٹول پلازہ کراچی


سب سے عظیم

  • سب سے عظیم ذات اللہ کی ہے۔
  •  سب سے عظیم شخصیت حضرت محمد مصطفیٰ صلی اللہ علیہ وسلم کی ہے۔
  • دنیا کا سب سے عظیم مذہب اسلام ہے۔
  • دنیا کی سب سے عظیم کتاب قرآن پاک ہے۔

مرسلہ: برکت علی بوزدار جارکی۔ ٹنڈوالہیار


مسکرائیے

ایک لڑکا نیا نیا انگلش میڈیم اسکول میں داخل ہوا۔ وہ انگلش میں کمزور تھا۔ ایک روز بارش کی وجہ سے اسکول نہ جاسکا۔ اگلے دن ٹیچر نے نہ آنے کی وجہ پوچھی تو اس نے وجہ اس طرح بتائی۔ “سر وین آئی کم، رین واز چھم چھم، واٹر گوڈے گوڈے، مائی لیگ سلپ اینڈ آئی دھڑام ان کھڈا، دس از صورت حال اینڈ دجہ۔

مرسلہ: حافظ مراد بروہی۔ میرکی گوٹھ ضلع ٹنڈوالہیار


بڑا جھوٹ

بچوں میں جھوٹ بولنے کا مقابلہ ہورہا تھا سب سے بڑا جھوٹ بولنے کے لیے انعام رکھا گیا تھا۔ ایک بابا جی کا گذر ہوا۔ جب انہیں اس کھیل کے بارے میں علم ہوا تو غصے سے بولے ”لاحول ولا قوۃ جب ہم تمہاری عمر کے تھے ہمیں تو یہ بھی پتہ نہیں تھا کہ جھوٹ کیا ہوتا ہے۔“

یہ سن کر بچے وہ انعام بابا جی کو دے کر اپنے اپنے گھر چلے گئے۔

مرسلہ: عظمیٰ صدیق طاہری۔ نواب شاہ


امام ربانی کی کرامت

شیخ حمید کے حالات میں مصنف حضرات القدس نے لکھا ہے کہ جب حضرت صاحب نے شیخ صاحب کو خلافت سے نوازا، شیخ صاحب نے حضرت صاحب کو عرض کیا کہ اپنی نعلین مبارک تبرک کے لیے عنایت فرمائیں۔ حضرت صاحب نے شیخ صاحب کو نعلین مبارک عنایت کی۔ شیخ صاحب قدس سرہ نعلین مبارک کو منہ سے پکڑ کر عاجزی سے الٹے پاؤں اپنے ملک چلے۔ شیخ صاحب نے اس درگاہ کو پیٹھ نہ دی۔ پھر اس نے نعلین مبارک کو اپنے سر پر رکھا ایسی حالت میں اپنے گاؤں پہنچا تو نعلین مبارک کو ہجرے میں رکھا۔ اس ملک کے لوگ پہلے مشکلات میں تھے جب یہ پتا چلا کہ حضرت صاحب کی نعلین مبارک یہاں آگئی ہے۔ تو وہ لوگ اس جتی مبارک کے لیے آتے تھے اور شفا یاب ہوجاتے تھے۔ بیماروں کے لیے پانی لاتے تھے شیخ قدس سرہ اس پانی میں نعلین مبارک کو ڈال کر نکالتا تھا اور وہ پانی بیماروں کو پلایا جاتا تھا تو وہ بیمار اسی وقت شفایاب ہوتے تھے۔ وہ نعلین مبارک اس وقت بھی زیارت گاہ منگل کوٹ کے شہر میں ہیں۔

مرسلہ: امجد عالم کنبھر۔ وہروشریف عمر کوٹ


معلومات

  • بلڈ پریشر ناپنے کے آلے کا نام کیموگراف ہے۔
  • بارش ناپنے کے آلے کا نام رین گیج ہے۔
  • ہوا کی رفتار ناپنے کے آلے کا نام اینمو میٹر ہے۔
  • خوشبو ناپنے کے آلے کا نام اوسمو میٹر ہے۔
  • آگ کا درجہ حرارت ناپنے کے آلے کا نام پائرو میٹر ہے۔
  • دل کی دھڑکن کی پیمائش کرنے کے آلے کا نام کارڈیوگراف ہے۔

مرسلہ: مصباح صدیق۔ نوابشاہ


دعا

حضرت علی رضی اللہ عنہ نے فرمایا ”جب میری دعا قبول ہوتی ہے تو میں خوش ہوتا ہوں کہ یہ میری مرضی ہے اور جب میری دعا قبول نہیں ہوتی تو میں خوش ہوتا ہوں کہ یہ اللہ کی مرضی ہے۔“

مرسلہ: راحیلہ یوسف۔ چھینی ٹیٹو۔ نارووال


عظیم معلومات

  • محبوب سجن سائیں کی ولادت باسعادت 21 مارچ 1963ء درگاہ رحمت پور شریف لاڑکانہ میں تھے۔
  • محبوب سجن سائیں آپ نے ابتدائی فارسی و پرائمری تعلیم درگاہ فقیر پور شریف رادھن میں حاصل کی۔
  • حضرت سوہنا سائیں رحمۃ اللہ علیہ آپ نے محبوب سجن سائیں کو فروری 1983ء میں خلافت عطا فرمائی۔
  • محبوب سجن سائیں آپ دسمبر 1983ء میں سجادہ نشین تھے۔
  • حضرت محبوب سجن سائیں آپ کی سجادہ نشین ہونے کے وقت 20 سال 8 مہینہ عمر مبارک تھی۔
  • حضرت سوہنا سائیں رحمۃ اللہ علیہ آپ کے دور میں حضور محبوب سجن سائیں جماعت اصلاح المسلمین اور جمعیت علماء طاہریہ کے صدر تھے۔
  • جماعت اصلاح المسلمین جمعیت علماء طاہریہ و روحانی طلبہ جماعت کے سرپرست اعلیٰ محبوب سجن سائیں ہیں۔

مرسلہ: محمد صادق میمن طاہری۔ لاڑکانہ سٹی۔


باپ کیا ہے؟

  • باپ جنت کا اعلیٰ دروازہ ہے۔
  • باپ اولاد کے ہر مشکل کام میں مدد کرتا ہے۔
  • باپ اللہ کی رحمت کا سایہ ہے۔
  • باپ اللہ کی خوشنودی کا ذریعہ ہے۔
  • باپ اللہ کی صفت ربوبیت مظہر ہے۔
  • باپ گھر کی عمارت کا دروازہ ہے۔
  • باپ گھر کی عمارت چھت ہے۔
  • باپ کا احترام کرو تاکہ تمہاری اولاد تمہارا ادب کرے۔

مرسلہ: عبدالمناف۔ اوٹھور ریگستانی آف مٹھی تھر


مہکتی کلیاں

  • نیکی کرنا چاہتے ہو تو موت سے پہلے کرو۔
  • گناہ ناسور ہے اگر ترک نہ کرو گے تو بڑھتا رہے گا۔
  • لوگ بیماری کی وجہ سے غذا چھوڑدیتے ہیں لیکن عذاب الٰہی کے خوف سے گناہ نہیں چھوڑتے۔

مرسلہ: سید نعمان شاہ جیلانی۔ میرپورخاص


کارآمد باتیں

  • ایک ساعت والا کیا ہوا انصاف کئی سال کی عبادت سے بہتر ہے۔ (فرمان رسول اللہ صلی اللہ علیہ وسلم)
  • اپنے بھائی کی مصیبت پر خوش نہ ہوجاؤ نہیں تو اس کو اللہ تعالیٰ معاف فرمادیگا اور تمہیں مصیبت میں مبتلا کردے گا۔ (الحدیث)
  • آنکھ دل کا دروازہ ہے اور سب آفات وہاں سے انسان کے دل میں داخل ہوتے ہیں ۔ (فرمان صدیق اکبر رضی اللہ عنہ)
  • بچوں سے پیار کرنا خدا تبارک و تعالیٰ کی رحمت کی نشانی ہے۔ (حضرت مجدد الف ثانی رحمۃ اللہ علیہ)

مرسلہ: محمد عالم بروہی طاہری۔ پیر کونانہ بیلہ بلوچستان


مسکراہٹ

وکیل گواہ سے ”کیا تمہیں پڑھنا آتا ہے؟“

گواہ ”لکھنا آتا ہے پڑھنا نہیں آتا“

وکیل قلم دیتے ہوئے ”اپنا نام لکھیں“

گواہ نے کاغذ پر لکیریں ماردیں۔

وکیل ”یہ کیا لکھا ہے آپ نے“

گواہ ”میں نے پہلے ہی بتایا تھا کہ مجھے پڑھنا نہیں آتا“

مرسلہ: ابوالعارف بروہی طاہری۔ پیر کونانہ بیلہ بلوچستان


اقوال زریں

  • اگر چلنا چاہتے ہو تو اپنے رسول مقبول صلی اللہ علیہ وسلم کے نقش قدم پر چلو۔
  • اگر کام آنا چاہتے ہو تو یتیموں بیواؤں اور ناداروں کے کام آؤ۔
  • اگر دینا چاہتے ہو تو خدا کی راہ میں دو۔

مرسلہ: صدام علی طاہری۔ پتھر کالونی حب بلوچستان


معلومات

  • آپ صلی اللہ علیہ وسلم پہلے حج میں جس اونٹنی پر سوار تھے اس کا نام صہبا تھا۔
  • آپ صلی اللہ علیہ وسلم نے مرغ کو برا کہنے سے منع فرمایا ہے کیونکہ یہ نماز کے لیے بیدار کرتا ہے۔
  • جنگ احد میں آپ صلی اللہ علیہ وسلم جس گھوڑے پر سوار تھے اس کا نام الکسب تھا۔
  • آپ صلی اللہ علیہ وسلم کے پاس 7 خچر تھے۔
  • آپ صلی اللہ علیہ وسلم کے پاس 7 گھوڑے تھے۔
  • آپ صلی اللہ علیہ وسلم کے پاس 100 بکریاں تھیں۔
  • آپ صلی اللہ علیہ وسلم نے بکریاں پالنے کا حکم دیا ہے ارشاد نبوی صلی اللہ علیہ وسلم ہے ”بکری پالو بلاشبہ اس میں برکت ہے“۔

مرسلہ: فریدہ طاہری۔ دنبہ ولیج ملیر کراچی


ذرا مسکرائیے

ایک پاگل بم کو بال سمجھ کر کھیل رہا تھا ایک شخص نے کہا اگر یہ پھٹ گیا تو؟

پاگل نے جواب دیا کوئی بات نہیں یہ پھٹ گیا تو دوسرا جیب میں پڑا ہے۔

مرسلہ: محمد حفیظ طاہری چار کوہی۔ انڑپور


حضور صلی اللہ علیہ وسلم نے فرمایا

اچھے اور برے دوست کی مثال خوشبو اور لوہے کی بھٹی دھونکنے والے لوہار جیسی ہے خوشبو بیچنے والے کی دوستی سے تمہیں فائدہ پہنچے گا یا تو خوشبو پاؤ گے یا اس کی مہک، لیکن لوہار کی بھٹی تمہارے کپڑے جلائے گی آگ نہ بھی لگی تو بھی دھوئیں سے دماغ ضرور متاثر ہوگا۔

مرسلہ: صائمہ طاہری۔ دنبہ گوٹھ کراچی


پاکستان کے صدر مملکت

  • پہلے صدر پاکستان جنرل اسکندر مرزا
  • دوسرے صدر فیلڈ مارشل محمد ایوب خان۔
  • تیسرے صدر جنرل آغا محمد یحییٰ خان۔
  • چوتھے صدر ذوالفقار علی بھٹو۔
  • پانچویں صدر چودھری فضل الٰہی
  • چھٹے صدر جنرل محمد ضیاء الحق
  • ساتویں صدر غلام اسحٰق خان
  • آٹھویں صدر وسیم سجاد
  • نویں صدر فاروق احمد لغاری
  • دسویں صدر جسٹس رٹائرڈ محمد رفیق تارڑ
  • گیارہویں صدر جنرل پرویز مشرف
  • بارہویں اور موجودہ صدر آصف علی زرداری۔

مرسلہ: سائیں عبدالوہاب۔ ماتلی


اقوال زریں

علم وہ چیز ہے جو خرچ کرنے سے بڑھتی ہے لیکن کم نہیں ہوتی۔

اسلام ایک مکمل ضابطہ حیات دین یہ تاقیامت قائم رہنا ہے۔

مرسلہ: راجہ تجمل حسین۔ اسلام آباد


صدیق اکبر رضی اللہ عنہ

آپ سنہ 573ء میں مکہ مکرمہ پیدا ہوئے۔

آپ کا نام ”عبداللہ“ کنیت ”ابوبکر“ اور لقب صدیق و عتیق تھے۔

آپ کے والد کا نام ”عثمان“ کنیت ”ابو قحافہ“ تھی اور والدہ کا ”سلمیٰ“ کنیت ”ام الخیر“ تھی۔

آپ کا تعلق قریش کی شاخ ”تمیم“ سے تھا اور آپ کا شجرہ نسب مرہ بن کعب پر حضور اکرم صلی اللہ علیہ وسلم سے جاملتا ہے۔

اپنی ارفع و اعلیٰ خصوصیات کا بنا پر آپ زمانہ جاہلیت ہی سے رسول اللہ صلی اللہ علیہ وسلم کے قریبی ساتھی تھے اور آنحضرت صلی اللہ علیہ وسلم صبح و شام دونوں وقت آپ کے مکان پر ضرور تشریف لاتے اور یہ دستور بعد اسلام بھی قائم رہا۔

آپ مردوں میں سب سے پہلے ایمان لائے۔

مشہور صحابیء رسول اور مؤذن مسجد نبوی حضرت بلال حبشی رضی اللہ عنہ کو بھی آپ ہی نے خرید کر آزاد کروایا۔

آپ کے تین لڑکے عبدالرحمٰن، عبداللہ ، اور محمد رضی اللہ عنہم جبکہ تین لڑکیاں اسماء، عائشہ اور ام کلثوم رضی اللہ عنہن تںی ۔

آپ کی صاحبزادی ام المؤمنین حضرت عائشہ صدیقہ رضی اللہ عنہ کا نکاح رسول اللہ صلی اللہ علیہ وسلم کے ساتھ ہوا اس بنا پر آپ کو رسول اللہ صلی اللہ علیہ وسلم کے سسر ہونے کا شرف بھی حاصل ہے۔

مرسلہ: حسنہ طاہری محمد سلیمان۔ لیاری ٹاؤں کراچی