فہرست الطاہر
شمارہ 55، جمادی الآخر 1430ھ بمطابق جون 2009ع

حمد باری تعالیٰ

تیری قدرت کا الٰہی تعین، نہ حساب
بالاتر ہے ممکنہ اوصاف سے تیری جناب

تو بھی ہے بے مثل، اور بے مثل ہے تیرا حبیب
ذرہ عشق محمد (صلی اللہ علیہ وسلم) ہو ہمیں یا رب نصیب

نور سے تیرے ضیائے مصطفیٰ کی ہے نمود
اس ضیاء سے گلشن عالم میں کار ہست وبود

ذکر سے تیرے ہی صوفی کے کدو میں ہے شراب
ہے تیرے ہی ذکر میں وجدان و کیف و اضطراب

عاشقوں کا جینا مرنا، ہر نفس تیرے لیے
ہوگئے جو لوگ تیرے، تو ہے بس ان کے لیے

(عبداللطیف نقشبندی)