فہرست الطاہر
شمارہ 55، جمادی الآخر 1430ھ بمطابق جون 2009ع

نعت رسول مقبول

کتنا پر نور ہے دربار رسول عربی
ساری کونین ہے سرشار رسول عربی

ان کے جلوے ہیں حقیقت میں خدا کے جلوے
حق کا دیدار ہے دیدار رسول عربی

غنچہ و گل پہ تصدیق ہے بہار فردوس
رشک وفردوس ہے گلزار رسول عربی

خشک سالی گئی ہر شے پہ بہاریں آئیں
اللہ اللہ یہ آثار رسول عربی

یہ ندا آئے گی جنت میں کہاں ہیں وہ لوگ
جائیں جنت میں طلب گار رسول عربی

عاصیو آؤ گناہوں کا خریدار آیا
خلد آثار ہے دربار رسول عربی

اے نظیر آپ نے کیا نعمت عظمیٰ پائی
مل گیا سایہ دیوار رسول عربی

(نظیر شاہجاں پوری)